Şaredarîya Amedî ya Şaristanê Girdî 4 qezayan de ke vewre resabî 15 santîmî û 600 kîlometre rayîrî padîyaybî, %70ê nê rayîran akerdî.
Serekîya Daîreya Tamîrê Rayîran û Koordînasyonê Binawanî, qezayanê Pasûr, Farqîn, Lîce û Hêni de ke vewre zaf varaya, xebata akerdişê rayîran dewam kena.
Ekîbî seba 600 kîlometre rayîranê ke padîyaybî, zaf xebitîyayî. 18 wasitayî û 67 personelî bi xebatêka fedekarane demêko kilm de %70ê rayîran akerd û mexdûrîyetê şarî ame wedaritiş.
Wasitayanê cenazeyan reyde şîy
Xebatan de 18 taxê Pasûrî û 4 taxê Farqînî û 3 mezrayê ci ameyî akerdiş.
Reyna Farqîn û Lîce de rayîrê wasitayanê cenazeyan ke rayîr de mendbî ameyî akerdiş û heta mezelan wasitayanê cenazeyan reyde şîy.
Serekîya Daîreya Tamîrê Rayîran û Koordînasyonê Binawanî, heme bajar de vera şertanê zimistanî xebatanê xo bêvindertene dewam kena.
