ZAZAKÎ NEWS - Meteorolojî îlan kerd ke merkez û qezayanê Dîyarbekirî de germîye do normalanê mewsimî ra çend dereceyan cor de bo. Sûke de germîyêka zêde do tesîrê xo bimojno, termometreyî do 40 dereceyan bimojnê.
Goreyê texmînanê peyênan ê Mudirîya Meteorolojî ya Mintiqaya 15ine, merkezê sûka Dîyarbekirî de germîye do roj 38–39 °C, şewe zî do mabênê 19–22 °C de biba. Sereyê hefteyî ra hetanî peynîya hefteyî germîye do hîna zêde biba.
Îdarekaranê Meteorolojî bale ant germîya zêde ser û şarê sûke rê tewsîye kerd ke bi taybetî saetanê nêmerojî de teber de zaf nêvinderê, bol awe bişîmê û kincanê reng-roşnan xora bidê.
Mîyanê hefteyî ra dima, bi taybetî mîyanê 12–14ê Hezîrane de pawîyeno ke merkezê Dîyarbekirî û dormeyê ci de germîye biresa sewîyaya xo ya tewr berze. Na pela hewayê germî ke hem merkezê sûke de hem zî qezayan de eşkena 39 °C bivîno, seba zîret, heywankarîye û fealîyetanê teberî rîsk virazena.