Serekîya Karê Dîyanetî fîtrê Remazanî yê serra 2025î eşkera kerd. Goreyê îzahatê Şêwra Berze ya Karê Dîyanetî, mîqdarê fîtrê ke serra 2025î ra heta Remezanê serra 2026î derbas beno, 180 TL ame aşkera kerdiş..
No mîqdar, goreyê ke sereyê yew kesî lazimîya asgarî ya werdî keno mîyan, ameyo hesabkerdiş û kesê ke wazenê eşkenê nê mîqdarî ra zêdeyêr fître bidê.
Goreyê teqwîmê Serekîya Karê Dîyanetî, serra 2025î de aşma Remazan emser 1ê Adara 2025î roja Şeme dest pêkena. Mîyanê aşma Remezanî de muslumanî do roje bigîrê, îbadetanê xo bîyarê ca.
