Google Zazakî sey ”Ziwanêko nêno zanayîş” qebul kerd û reklaman nêdana Zazakî News o ke tenya o yo ke bi Zazakî rojane xeberan vila keno. Google tewr peynî endamtîya Zazakî Newsî ya reklamanê Adsense îptal kerd û va ”Zazakî ziwano ke nêno zanayîş o”
Zazakî News serre û nêmo ke bi Zazakî weşanê xo keno rojane qasê 600-700 kesî kewenê Zazakî News û xeberanê xo bi ziwanê xo wanenê.
Labelê Google Adsense ke reklaman dano keyepelan Zazakî News asteng keno û reklaman nêdano Zazakî News.
Koordînatorê Weşanê Pêroyî yê Zazakî Newsî Enwer Yilmazî aşkere kerd ke roja ke înan Zazakî News awan kerdo ra nata Google Adsense rê semedo ke wa reklam bidê înan muracat kerdo û wîna va; Zazakî News rojane 5-6 xebetanê bi nuşteyîkan û aşmane 3-4 vîdeo û 3-4 heban zî Podcastean weşaneno. Aşmane qasê 10 hebî zî meqaleyî yenê dayîş. No medyaya Dîjîtale de semedê Zazakî potansîyelêko zaf pîl o. Semedo ke rewşa Zazakî hol nîya, ziwanê ma verbi vîndîbîyayîşî de karê Zazakî Newsî karêko heyatî yo. Semedo ke ma rê xo rê dewam bike, ma rê fînans lazim o helbet. Werrekna çend edîtorê ma, buroyêkê ma zî bibîyêne ma bieşkêne karê xo hîna hîra û bitesîrîn bikerêne. Semedo ke ma bieşke mesrefanê xo yê estê vejê ma rê reklamî lazim ê. Google çi heyf ke roja ke ma dest bi nê karî kerd reklaman nêdana ma.”
Yılmazî da zanayîş ke Google Zazakî ”ziwano ke nêno zanayîş” qebûl kerda û wîna va ”Çi heyf ke ziwanê ma hetê Google ra nêno qebûlkerdiş. Ziwanê ma sey ziwano ke nêzanîyeno hetê Google ra yeno vînayîş. Çi heyf ke Google reklaman nêdana ma. Nika zî endamtîya ma ya Google Adsende ameya îptalkerdiş. Zazakî het het ra derbe gêna û roj bi roj helîyena çi heyf ke”