Ankara û Îstanbul de Şaredariyê Bajaranê Pîlan ser o derheqê konseran de tehqîqat dest pêkerdo.
Şaredariya Anqara çend rojî yo ke seba ke konserê Ebru Gundeş bîya rojev. Vajîyeno ke qey yew konserî nêzdîyê 2 mîlyon û 11 hezar dolarê Amerîka dayo ci.
Dozgeriya Cumhurîyetî ya Anqara îlan kerd ke înan qey şîkayetanê derheqê konseran de, Şaredarîya Bajarê Girdî ya Anqara de tehqîqat dest pêkerdo û no tehqîqat do şaredarîyanê qezayan zî bigîro xo mîyan.
Dozgerî îlan kerd ke înan yew nuşte Wezaretê Karanê Zereyî yê Tirkîya rê ruşnawo û waşto ke eger sûcêk bêro dîyene wa înan agahdar bikerê.
Dozgerî derheqê şîkayetanê konseran de waştişnameyêk Wezaretê Karanê Zereyî rê rerşawit.
Heyetê Çimdarî yê Wezaretê Karanê Zereyî yê Tirkîya do çarçewaya nê şîkayetan de konseranê Şaredarîya Bajaro Pîl ya Anqara ser o cigêrayîş bikero û raporêk amade bikero.
"Eger sûcê kesî esto wa ceza bigîro"
Serekê Şaredarîya Bajaro Pîl ya Anqara Mansur Yavaş hesabê xo yê medyaya komelkî ra derheqê mesela de beyanatêk vila kerd û va:
"Badê ke mi derheqê mesela de beyanat da, Wezaretê Karanê Zereyî zî qey cigêrayîşî mifetîş erşawit. No cigêrayîş hema dewam keno û rewşêka newîye nîya. Ma herkesî ra hîna weş eşkenê hesab bidê. Ma qesa xo ser vindenê û eger sûcê kesî esto wa cezayê xo bîvîno. Ma heme şaredarî û dezgeyanê dewlete ra zî eynî helwest pawenê."
Îstanbul
Heto bîn ra, derheqê Şaredarîya Bajaro Pîl ya Îstanbulî de zî tehqîqatê konser û fealîyetan dest pêkerdo.
Goreyê malumatî, do serra 2021î û pey ra konser û fealîyetanê ke Şaredarîya Bajaro Pîl ya Îstanbulî organîze kerdê, ser o cigêrayîş bibo.
