Nevşehir Ürgüp de, goreyê vatişî ra semedo ke înan formaya Amedsporî dayê xora, karkeranê Diyarbekirijî rê hêriş ameyo kerdiş. Hêriş de 3 karkerî birîndar bîyê.
Qezaya Nevşehirî Ürgüp de meheleya Aksalur de karkerê Kurdî ke tesisê enerjiya rojî montaj kerdêne raştê hêrişê nijadperestan ameyî.
Goreyê xebere, karkerê ke bereqeya şantîye de 6 aşmî yo ke xebityenê, hedef ameyê girewtiş. Ame vatiş ke hêriş pê tifing, asin û kardan ame kerdeiş, sebebê ci no bi ke tayê karkeran formaya Amadsporî dayê xora.
Zaf Dîyarbekirijî birîdan rê
Karkeran ra yew bi tifing, yew bi kardî, yew zî bi sope sereyê xo ra birîndar bi. Xebere de ame vatiş ke rewşa weşîya yew karkeri giran a. Karkero bîn zî hêriş de şenik birîndar bi.
Ajansê DHA zî va ke, hêriş pê kerra, dar û kardan ameyo kerdene. Xebere de ame vatiş ke, hîrê kesî darbeyê kardî û sopeyî ra birîndar bîyê.
Ame vatiş ke, birîndarî, badê mudaxeleyê verênî ya ekîpanê weşîye neqlê Nevşehir Devlet Hastanesî bîyê û înan ra di kesî zî taburcî bîyê.
Amedsporî ra beyanat
Serekê Amedsporî Aziz Elaldıyî zî derheqê hêrişo ke terefdaranê înan ra bîyo de beyanatêk da û va ke “Ma hêrişo ke Nevşehir de terefdaranê ma rê bîyo şermezar kenê. Ma îdarekaran ra wazenê wa nê hêrişkarî bêrê cakerdiş û bêrê muhakemekerdiş”