Serekwezîrê Lubnanî Mikatî vano ke, hêrîşanê teqayîşî yê vera Hîzbullahî yê cîhazanê bêtêlan de zêdeyê 3 hezar û 250 kesî birîndar bîyê.
Serekwezîrê Lubnanî Necîp Mikatî, Wezaretê Weşîye de derheqê hêrîşanê Îsraîlî yê bi cîhazanê bêtêlan de yew beyanat da.
Beyanatê xo de pers kerd ke "Semedê nê hêrişan çira Neteweyê Yewbîyayeyî (NY) çîke nêvano?"
Serekwezîrî beyanatê xo de va ke, hêrişanê têdimayan de 32 kesî merdê û zêdeyê 3 hezar û 250 kesî birîndar bîyê.
Se bîbi?
Vizêr ne pere (17ê Êlule) de, cîhazê îletişimî û bêtêlê ke endamanê Hizbullahî seranserê Lubnanî de xebitnayênê, pêroyî pîya teqayî.
Wezaretê Weşîye va ke netîceyê teqayîşê cîhazanê îletişimî û bêtêlan de seranserê welatî de 2yê xo gedeyî 12 kesî merdê û 2 hezar û 800 kesî zî birîndar bîyê ke 300 teneyê înan giran ê.
Vizêr zî (18ê Êlule) de zî eynî welat de cîhazê bêtêlî teqayî û 20 kesî merdbî.
Îdrekaranê Lubnanî Îsraîl nê hedîse ra mesul vînenê, Îsraîlî hema derheqê mesela de beyanat nêdayo.
Ewro zî vajîya ke hûmara merdeyan bîya 32