ZAZAKÎ NEWS - Qesra Sipî îzah kerd, Amerîka semedê şaranê ke Newroze pîroz kene yew mesaj vila kerda.
Qesra Sipî ewro 20ê Adare va: "Newroze roşanêka kehen a û destpêkê wisarî ya."
Reyna Serekê Amerîka Donald Trump zî derheqê Newrozî de va: "Bi nameyê şarê Amerîka ez Roşanê Newroze heme kesan rê pîroz kena û hêvî kena her kes roşanê Newroze bi weşî vîyarno."
Newroze, sey destpêkê serre des ra zêde welatanê Rojhelatê Mîyanênî û Asyaya Mîyanêne de yena pîrozkerdiş û her yew nê welatan û neteweyan de yena pîrozkerdiş.
Newroze seba şarê Kurdî, sembola azadî, xoverdayîş vera zilmî û serkewtiş a.
Her serre 20ê Adare de hemê dewe, bajar û bajarokanê kurdan de bi wekerdişê adirî û xoradayîşê kincaanê kurdkî reyde Newroze yena pîrozkerdiş.
