Wezaretê Pawitişî ya Amerîka eşkera kerd ke înan teyarayê şerî şawitê Rojhelatê Mîyanênî.
Vervatoxê wezaretî îfade kerd ke ê derheqê asayîşê herême de têgêrenê.
Wezaretê Pawitişî ya Amerîka (Pentagon) îfade kerd ke înan çend teyarayê şerî bi amancê zêdekerdişê qabilîyetê hêzê deryayî yê welatê xo şawitê Rojhelatê Mîyanênî.
Mesulê Amerîka danê zanayîş ke înan tewr tay çar teyarayî B-2 şawitê baregeha eskerî ya Amerîka-Brîtanya ya ke girava Diego Garcia ya Deryayê Hindî de ya.
Vervatoxê Wezaretê Pawitişî ya Amerîka Sean Panel va:
"Amerîka û hevalbendê ci derheqê asayîşê herêma CENTCOMî de pê kerdê û amade yê ke cewabê her welat û hetêkî bidê ke wazenê hêzanê xo zêde bikerê."
Fermandarîya Merkezî ya Amerîka (CENTCOM) kar û barê Afrîka, Rojhelatê Mîyanênî û Başûrê Asya ra mesûl a.
Sean Panel wina zî va:
"Eger Îran yan komê ke nêzdîyê ey ê, Amerîka tehdîd bikê û menfaetê ma yê ke herêm de yê bierzê tehluke, ma do derheqê şuxulnayîşê tedbîranê huşkan de texsîr nêke."
Tayarayê B-2 eşkenê bombayanê atomî biancê.
Teşrîna Verêne ya ke vîyarta de, Hukmatê Amerîka nê teyarayî seba êrişê Hûsîyanê Yemenî şuxulnayî.
Şawitişê nê teyarayan, bi ameyîşê îdareya Trumpî dest pêkerd.
Îdarekarê Îranî zî vanê, eger înan rê êriş bêro kerdiş, ê do cewabê ci bidê.
