Goreyê raporê Projeya Midaxeleyê Lezgînî yê Azadiya Medya (MFRR), pêroyê Ewropa de tewr zêde Tirkîya û Ukrayna de azadîya medya yena binpaykerdiş.
Projeya Midaxeleyê Lezgînî yê Azadiya Medya (MFRR), Raporê xo yê Binpaykerdişê Azadiya Medya û Çapemenî yê şeş aşmanê destpêkî yê serra 2023î aşkere kerd.
MFRRyî welatanê endamanê Yewîya Ewropa û welatanê namzetan de azadîya çapemenî teqîp keno.
Goreyê raporî şeş aşmanê peyênan de Tirkîya de 172 kesî raştê tehqîqatan ameyê û azadîya medya 136 reyî ameya binpaykerdiş.
21 rojnamegerî hepisxaneyan de yê
Rapor de vajîya ke, pêroyê dinya de welato ke tewr zêde tede rojnamegerî hepsî yê, înan ra yew welatê Tirkîya yo.
Goreyê raporî Tirkîya de 21 rojnamegerî hepisxaneyan de yê.
Rojnamegerî tewr zêde bi bahaneyê “terorîzm”, “karmendan rê heqaret”, “serekkomarî rê heqaret”, “ yenê sûcdarkerdiş.
Rapor de behsa rojnamegerî Kurd Sînan Aygul û Kurd Rabîa Çetîn zî bîyo.
