Hunermendo Dêrsimij Mikail Aslanî konsero ke do 21 Êlule de Dîyarbekir de bidêne îptal kerd.
Mikaîl Aslanî aşkere kerd ke ey semedê merdişê Narîn Gürane konserê xo îptal kerdo.
Konserê Mikaîl Aslanî do 21ê Êlule de Dîyarbekir de cayê Çend Amed de biameynê dayîş.
Aslanî derheqê îptalkerdişê konserî de beyanatêk vila kerd û va ke “Ma konserê xo yê Dîyarbekirî seba qetilbîyayîşê Narîn Gürane îptal kerdo. Ma zafxemgîn ê. Kesê ke biletî girewtê eşkenê cayê ke tira girewtê rê peyser îade bikerê.”
Çi bibi?
Narîn Gurana 8 serriye 21ê Tebaxe de Diyarbekır de vîdî bîbî.
Wezîrê Karê Zereyî yê Tirkiya Alî Yerlîkaya roja yewşeme (8ê Êlule) îlan kerd ke cesedê Narîn Gurane ameyo vînayîş.
Waliyê Diyarbekırı Murat Zorluoglu zî eşkera kerd ke cesedê Narîne yew çuwale de û binê kerrayan ra vejiya.
Cesedê Narîn Gurane yew çuwale de nêzdiyê yew çemî de, hetê yew dewe ra vejiya.
Goreyê raporê verênî, cesedê Narîne 15 rojî awe de mendo û çokê aye şikîyayo.
Badê ke cesedê Narîne vejiya, 3 savciyê cumhuriyetî ameyî wezifedar kerdiş û 25 kesî, tede may, pî, dat û birayê Narîne zî, ameyî tepiştiş.