Pawitoxa Heqanê Merdiman Nurcan Kaya vizêr seba yew tehqîqato ke Îstanbul de abîyo Dîyarbekir de ameybî tepiştiş.
Goreyo ke ame zanayîş, Nurcan Kaya çarçewaya tehqîqatî de Dîyarbekir ra neqlê Îstanbulî bîya. Yewîya Huquqî ya MLSAyî (Komeleya Xebatanê Medya û Huquqî) zî semedo ke qedexeyê pêvînayîşî yê Nurcan Kaya ser bêro wedaritişşît Qereqol û muaracat kerd.
Ame zanayîş ke qedexeyê pêvînayîşî yê, Elîf Akgul, Yildiz Tar û pawitoxê heqanê merdiman Nurcan Kaya ameyo wedaritiş.
Se bibi?
Aktîvîsta Heqanê Merdiman û Avukata Baroya Dîyarbekirî Nurcan Kaya, vizêr saetanê sere sibayî de Dîyarbekir de keyeyê xo de ameybî tepiştiş.
Ame zanayîş ke a, çarçewaya tehqîqato ke hetê Serdozgerîya Komare ya Stenbolî ra yeno ramitene de ameya tepiştiş.
Serekê Baroya Dîyarbekirî Abdulkadir Guleçî medyaya sosyale de vera tepiştişê Kaya beyanatêk da û va: "Endama baroya ma avukata heqanê merdiman Nurcan Kaya, saetanê şodirî de keyeyê xo de ameya tepiştiş. Tepiştişê ke vera avuaktan û pawitoxanê heqan benê, zextkerdiş û tehdît o."
Nurcan Kaya avukat û aktîvîstêka heqanê merdiman a û heqanê merdiman ser o xebatan kena û hetêk ra zî baroya Dîyarbekirî de wezîfe gêna.
