Hemşaredaranê Şaredarîya Amedî ya Şaristanê Girdî Serra Bucak û Dogan Hatunî kayê "Çimanê Xo Padana, Wezîfeyê Xo Kena" temaşe kerd.
Hemşaredaranê Şaredarîya Şaristanê Girdî Serra Bucak û Dogan Hatun, kayê "Çimanê Xo Padana, Wezîfeyê Xo Kena" ke çarçewa Turneyê 110. Serreya Tîyatroyê Şaristanî yê Şaredarîya Îstanbulî ya Şaristanê Girdî (İBB) de ameyo kaykerdene, temaşe kerd.
"Turneyê Tirkîya yo Gird" ke seba 110. serreya Tîyatroyê Şaristanî yê İBBî dest pêkerdo û hewt herêmanê Tirkîya gêno xo mîyan, badê Eskîşehîr û Ankara, Amed de dewam kerd. Kay, Amed de Merkezê Kongre û Kulturî yê Çand Amedî de resa temaşekeranê tîyatroyî.
Kayo di perde ke 1964 de nuştox usta Haldun Tanerî nuşto, prosesê vurîyayîşê komelkî yê Tirkîya ra Meşrûtîyetê II. heta peynîya serranê 1960î, bi cuya karakteranê Vîcdanî û Efruzî ano sahne ser.
Peynîya kayî de ke temaşekeran zaf keyfweşîya xo îfade kerd, Hemşaredaranê Bucak û Hatunî seba performansê kaykerdoxan ê pîroz kerdî û Mudira Pêroyî ya Hunerî ya Tîyatroyê Şaristanî yê İBBî Ayşegul Îşsever rê plakete daye. Îşsever zî Hemşaredaranan rê kitabî dîyarî kerdî.
Çime: Şaredarîya Amedî
