Partiya Welatparêzên Kurdistanî bi wesîleya 21ê Sibate Roja Ziwanê Dayîke ya Dinya yew beyanat vila kerd.
Beyanatê PWKyî wîna yo:
Buroya Çapemenî ya Partîya Welatparêzanê Kurdistanî (PWK):
21Ê SIBATE ROJA ZIWANÊ DAYÎKE YA DINYA PÎROZ BO!
Roja 21ê Sibate pêroyê dinya de hetê UNESCOyî ra sey "Roja Ziwanê Dayîke ya Mîyanneteweyî" ameya qebulkerdiş.
Dinya de tu ziwan qasê ziwanê kurdî (kurmanckî û zazakî/kirmanckî) raştê zilm, neheqî û polîtîkaya asîmîlasyonî nêameyo.
Bakurê Kurdistanî û Tirkîya de, her çiqas bi heme astengîyan dersê weçînayeyê kurdkî esto zî, warê perwerdeyî û weşangerîya televîzyonî de tayê gamê başî ameyê eştiş; çi heyf ke hema zî bi resmî Qanûnê Bingehînî û qanûnanê eleqedaran de, Parlamentoyê Tirkîya de, ziwanê kurdkî çîyêk nêno hesabnayîş. Hema zî ziwanê kurdkî ziwano resmî nîyo. Hema zî perwerdeyê bi ziwanê kurdkî nêameyo qebulkerdiş.
Bi sîyasetê Dewleta Tirkîya yê bi seseran, milyonan kurdî Bakurê Kurdistanî û Tirkîya de nêeşkenê û nêzanê bi ziwanê dayîka xo qalî bikê. Na trajedî û travmayêka pîle ya; ê ke bîyê sebebê naye, faîlê sucê însanîyetî yê.
Ganî heme kurdê Bakurê Kurdistanî û Tirkîya warê qalîkerdiş û musayîşê kurdkî de programanê taybeyan bîyarê ca.
Ganî keyeyê kurdan seba gedeyanê xo dersê weçînayeyê kurdkî weçînê.
Ganî ma qalîkerdiş, musayîş û qalîkerdişê ziwanê kurdkî sey prensîbêko bingehên cuyayîşê xo de bîyarê ca.
Ganî heme partîyê sîyasî, dezgehê sivîlî, TV, radyo û rojnameyê kurdan; heme sîyasetmedarî, roşinvîrî û hunermendê kurdî, kurdkî bikê ziwanê xo yê esasî yê sîyasetî, nuştişî, çalakîyê dezgeyanê xo û roşinvîrî û hunerî.
Ganî heme şaredarî, weqifî, dezgehê sivîlî û karsazî, dibistanî û kursê taybetî yê ke perwerdeyê kurdkî danê akerê.
Roja Ziwanê Dayîke wa bibo destpêkê destardişê heqê perwerdeyê bi ziwanê kurdkî û wa ziwanê kurdkî bibo ziwanê resmî.
Roja 21ê Sibate û her roj, her kurdêk ganî bi ziwanê dayîka xo qalî biko.
21ê Sibate wa bibo destpêkê musayîşê ziwanê kurdkî.
21ê Sibate Roja Ziwanê Dayîke ya Dinya Pîroz Bo!
ZIWANÊ MA ESTBÎYAYÎŞÊ MA YO, ŞEREFÊ MA YO!
MA BI KURDKÎ QISEY BIKERÊ!
MA KURDKÎ BIMUSÊ!
21.02.2025
Buroya Çapemenî ya Partîya Welatparêzanê Kurdistanî (PWK)