Şaredarîya Pirsûsa Rihayî qerar da ke nameyê "Mem û Zînî" bidê parke la Qeymeqamê Pirsûsî Adem Balkanlioglu no qerar red kerd.
Meclisa Şaredarîya Pirsûsî ya DEM Partî roja 6ê tebaxe 2024î qerar da ke nameyê 2 parkan bivurnê. Waşt ke nameyê yewe bibo Mem û Zîne û bi no hewa qerar gûret. Her di nameyî Meclisa Şaredariyîye de bi yew vengî ameyî qebulkerdiş.
La Qeymeqamê Pirsûsî Balkanlioglu bi vatişê "Munasib nêame dîyayîş" her di nameyî red kerdî.
Hemşaredarê Pirsûsî Muslum Baranî va ke, qeymeqamî bê sebeb nîşan dayîş her di nameyî red kerdê û va, "Qeraro ke bi yew vengî ameyo gûretiş, qeymeqamî red kerd. Bi noqeyde îradeyê şarî qebul nêkeno. Gelo wexto ke ma nameyan danê parkan, ma do qeymeqamî ra pers bikerê? O wext manaya meclisî manena? Ma bawer kenê ke Dadgeha Îdarî nê qerarê keyfî yê qeymeqamî îptal kena."