Meclîsê Şaredarîya Şaristanê Girdî, Licê de kompleksê sporî, Şankûşî de 1.581,78 metrekare nekiriştbar û Kayapinar de zî mescîd û WCyê ke 25 serrî ameybî tahsîskerdene, o qerar betal kerd.
Meclîsê Şaredarîya Şaristanê Girdî kombîyayîşê xo yê aşma temmuz de tashîsbîyayîşê nekiriştbaran kerd rojeva xo. Kombîyayîşî de 14 adare 2017î deTaxa Çinar a Şankûşî de girawa 146. Parsel 31 de 1581,78 metrekare nekiriştbar tahsîsê Şaredarîya Şankûşî bîybî. Taxa Firat a Kayapinarî de Parka Tema de 101,10 metrekare mescîd û 42,26 metrekare WCyî 12 temmuz 2021î de tahsîsê Muftîyîya Qeza yê Qeymeqamtîya Kayapinarî bîybî. Qezaya Licê Taxa Yenîşehîrî de girawa 99 parsel 1 de 5.994,90 metrekare nekirştbarî ser o xalî saha ya sergirewta, sahaya baskerbolî ya akerdî û kortê tenîsî 14ê teşrîna peyêne 2023î de tahsîsê Mudirîya Ciwanî û Sporî ya Şaristanî bîybî. Kombîyayîşî de nê babetî rojeva meclîsî de bîy.
Qerarê 3 nekiriştbaran komîsyon de ame erjnayene
Qerarê ke wextê qeyyûmî de ameyî girewtene, verê Komîsyinê Hûquq ê Meclîsî de ame erjnayene. Îdareyê Herêmkî de Qanûnê Şaredarîyan û Qanûnê Şaredarîyanê Şaristanê Girdan eşkera kenê ke nê nekiriştbaran rê hewcedarîya Şaredarîya Amedî ya Şaristanê Girdî est a. Ame dîyarkerdene ke Parka Tema de mescîd û WCyî goreyê qanûnan nêameyî tahsîskerdene.
Licê de komplesksê sporî zî seba ke sewbîna sey nînan nekirişbarî çin ê, goreyê qanûnê şaredarîyan ê 2024/7î eşkera beno ke Şaredarîya Şaristanê Girdî ya Amedî nêeşkena wina tahsîskerdişêk bika.
Şankûşî de zî 1.581,78 metrekare nekiriştbar sey xirbe û terkkerdî amey erjnayene coka erjnayîşê “Awanîyê ke xirabe bîyî, talûkeyê rijîyayîşî est o, eke birijîyo beno ke însanî zirar bivînê coka tahsîskerdişê înan munasîb nîyo” ame kerdene û tahsîskerdiş ame betalkerdene.
Tahsîskerdiş ame betalkerdene
Meclîsê Şaredarîya Şaristanê Girdî, raporê komîsyonî erjna û qerarê betalkerdiş ame reyedayene. Bi zaf reyan prokolî ameyî betalkerdene.
