Tirkîya serra 2023î de hunermendê namdarê R&B, rap û popî Amir Huseyîn Maksudlu teslîmê Îranî kerdbî. Îranî bi îddîaya ke "Pêxember Muhemmedî rê Heqaret kerdê" cezayê dardekerdişî da Maksudluyî.
Tirkîya Kanûna 2023î de bê ke muracatê penaberîya esas bigîro, rapvaj Amir Huseyîn Maksudlu yo ke nameyê sehneyê ey "Tatalu" yo, teslîmê Îranî kerdbî.
Goreyê xeberanê ke çapemenîya Îranî de vila bîyê, mehkemeya îstînafî îtîrazê dozgerî yo ke cezayê "bêhurmetîya dînî kerda" ke rapbvajê namdarî Amir Husên rê ameybî birnayene ser o bî, qebul kerd û seba heqaretê Pêxember Muhemmedî cezayê dardekerdişî da.
Doza ke reyna dest pêkerde de, na rey Tatalu rê seba heqaretê Pêxember Muhemmedî, cezayê dardekerdişî amey dayîş.
Hunermendê kuçeyan o 37 serreyî, serra 2018î ra hetanî 2023î Îstanbul de ciwîyayêne, Kanûna 2023î de hetê polîsanê Tirkîya ra teslîmê Îranî ame kerdene. A game ra nat Îran de tepişte yo.
Hunermendo ke bi nameyê Tatalu ya yeno şinasnayene, Îran de mîyanê ciwanan de zaf yeno heskerdene.
