ZAZAKÎ NEWS - Qezaya Hewagî ya wîlayetê Riha de, şerê bi kerdîyan ê dayzayan de Hasarî Aksungur (43) merd û birayê ey Mehmet Aksungur (45) zî birîndar bi.
Goreyê îdîayan, şewa bîne dewa Hincîrlî ya Hewagî de, seba yew sebebê nêbewlî ra mîyanê dayzayan de munaqeşe vejîyayo.
Demêko kilm ra dima munaqeşe pîl bi û dayzayî bi kerdîyan kewtî yewbînan .
Şer û pêrodayîşî de Hasar û birayê ey Mehmet mîyanê gonî de mendî.
Wexto ke dayzayê Hasarî û Mehmetî cayê qewimîyayîşî ra remayî, şarê dewe dezgehanê eleqedaran agahdar kerd û cendirme û ekîbê weşîye şîyî cayê qewimîyayîşî.
Ekîban di birayê birîndarî berdî Nêweşxaneyê Dewlete yê Hewagî, la Hasarî Aksungur nêweşxane de merd.
Yeno vatiş ke halê Mehmet Aksungurî zî giran o.
Qewimîyayîşî ra dima, cendirmeyan 4 kesî destbend kerdî.
Derheqê qewimîyayîşî de tehqîqat dîya dest pêkerdiş.