ROJAVA- Fermandarîya Pêroyî ya Hêzanê Sûrîya Demokratîke (QSD) derheqê kombîyayîşê Fermandarê Pêroyî yê QSDyî Mezlûm Ebdî û heyeta ENKSyî de yew beyanat da û va ke muhîmîya dewamê kombîyayîşan û lezkerdiş a çareserkerdişê problemanê ke estê ser pêameyîş bîyo.
Fermandarîya Pêroyî ya Hêzanê Sûrîya Demokratîke (QSD) rîpelê xo ser o eşkere kerd ke bi amadebîyayîşê tayê berpirsanê Koalîsyonê Mîyanneteweyî mabênê Fermandarê Pêroyî yê QSDyî Mezlûm Ebdî û Serektîya Şûraya Neteweyî ya Kurdî ya Sûrîye (ENKS) de yew kombîyayîş ameyo viraştiş. Kombîyayîş çarçewaya qiseykerdişê viraştişê helwestêka yewgirteya kurdî ya Sûrîyaya neweye de ame organîzekerdiş. Winî zî kombîyayîş de ke muhîmîya dewamê kombîyayîşan û lezkerdiş a çareserkerdişê problemanê ke estê ser pêameyîş bîyo.
Endama Heyetê Serekîye ya ENKSyî Fesla Yusifî zî Rudawî rê eşkera kerd ke kombîyayîş baş vîyart û va:
"Ma ser dewamê dîyalogî pê ameyî, kombîyayîş bi amadebîyayîşê hetanê Amerîka û Fransa bî. Demêko nêzdî de do kombîyayîşêko bîn bibo."