Loading...
Vizer temsilkarê sazgehî sivîlan êyê ke mîyan de Komisyonê Dorûverî û şaristanîye yê Baroya Amedî, komeleya Ekolojî, komelaya Pirejman, komelaya, TMMO û TTB şiyê dewê Pirajman, Tunakragî û Heridanî yê qezaya Amedî Pîranî.
Dewijan heyete ra va ke, rîyê xebatê gêrayîşê madenî ra dewe de neweşîyê sey astimî û rîşa merdimwereyî (kanser) zêdîyayê. Teqayîşê dînamitî nêvindenê. Dêsê keyeyan rijîyenê.
Cîniyê Pirajmanî zi behsê zîretî dewe kerd. Înan da zanayiş ke vamêrê de vame , rezî de hengurê nêrasenê û her çî ra muhîmêr zî game ke teqnayiş beno xo erzenê teber.
Cinîyan va, Ma wazenê wa xozaya ma talan nêkerê û zirar nêdê ci.
Temsilkarê komelan zî vatê ke, ma do her tim verê dewijanî de bê û wayîrê xozaya înan bivejî. Çi ke hewce yo ma do bikerê.
Mehmê Hesenî Xirabayij / Zazakî News