Serekwezîrê Kanadayî Justin Trudeau new serran ra dima îstîfa kerdo. Trudeau do heta ke Partîya Lîberale serekêko newe weçîno wezîfeya xo de bimano.
Parlamento heta 24ê Adare do bêro padayîş
Serekwezîrê 53 serreyî dayo zanayîş ke parlamento heta 24ê Adare do padaye bo. Trudeauyî va ke, nakokîyê ke mîyanê partî de estê destûr nêdanê ke o weçînayîşan de serekîya partî biko.
Beno ke weçînayîşo vervext pêk bêro
Goreyê qanûnî ganî weçînayîş 20ê Teşrîna Verêne ra ver bêro kerdene. Labelê îstîfaya Trudeauyî beno ke bibo sebeb ke weçînayîşo vervext bêro viraştiş. Goreyê destûrê Partîya Lîberale, badê îstîfaya serekê pêroyî reqabetê serekîye dest pêkeno.