HTŞî ke Sûrîye girewto xo dest, pawîyeno ke serekê ey Ahmed Şara, welatan ziyaret biko û ame zanayîş ke reya verêne do Tirkîya ziyaret biko.
Ame vatiş ke serekê îdareyê neweyî yê Sûrîye Ahmed Şara semedê ameyîşê Tirkîya xo hazir keno.
Serekê HTŞî û îdareyê neweyî yo ke rijîyayîşê Esedî ra dima Sûrîye de ameyo ronayîş Ahmed Şara do dest bi zîyaretanê teberî biko û zîyaretê verênî do Tirkîya rê biko.
Goreyo ke ame zanayîş, no ziyaret rojê vîyarteyî de amebî plankerdiş labelê erey kewto, pawîyeno ke wextêko nêzdî de bibo. Ame vatiş ke Şara do hetê Erdoganî ra bêro qebulkerdiş.
Îdareyê Neweyî yê Sûrîye rê zîyaretê verênî zî Tirkîya kerdbî. Serekê MÎTî Îbrahîm Kalini Şara ziyaret kerbi. 22ê Kanûna Verêne de zî Wezîrê Karê Teberî Hakan Fîdanî sûrîye rê yew zîyareto resmî kerdbi.
