Şewa Kirmanckî (Zazakî) 21ê Sibate de Salona Merkezê Kulturî ya Sezaî Karakoçî ya Dîyarbekir de yena viraştene.
Şewe saete 17:30 de bi kokteylî dest pêkena û saete 19:00 de programê serekeyî dest pêkeno.
Şewe de hunermendê namdarî yê zazakî ca gênê. Nê hunermendan ra Celo Boluz, Derya Cengîz, Eylul Nazlier, Xoser Rayîrwan, Wusar, Bedrîye Topaç, Omer Barasî, Îdrîs Yazar û Mem Keleş Çîçek estê.
Şewa ke seba ziwanê zazakî yena organize kerdene, qotê Wittgensteinî "Sinorê ziwanê mi, sinorê dinyaya min ê" sey sloganî weçînayo.
Salona Merkezê Kulturî ya Sezaî Karakoçî de yeno viraştene û şewe hetê çend sazgehan ra yena destegkerdene.
Grûba Morceleyanê Kirmanckî, Grûba Xebate ya Vateyî, Weşanxaneyê Vateyî û Şaredarîya Dîyarbekirî pîya na şayîye virazenê.
