Amedspor do siba Dîyarbekir de Çorum dir kay bikero û puanê her di tîman zî sey yewbînan ê.
Amedspor do hefteyê 35. yê Lîga Yewine ya Trendyolî de meşte Ahlatci Çorum FKyî dir kay kero.
Maç do saete 19:00 de dest pêkero û hakemê maçî Mehmet Alî Metoglu yo.
Her di tîmî zî lîg de wayîrê 51 puanan ê.
Çorum FK o 47 golê ke eştê rêza 8. de yo û Amedspor zî bi 38 golan rêza 9. de yo.
Keçîorengucu zî 51 puanan reyde rêza 7. de yo.
Istanbulspor zî wayîrê 52 puanan o û rêza 6. de yo.
Eke Amedspor meşte bi ser bikewo do îhtîmal bibo ke heta rêza 6. vejîyo û semedê vejyayîşê liga super avantajêko pîl qezenc biko.