Tirkîya û Vakurê Kurdîstanî de par 623 hezar û 148 qezayê trafîkî bîyê û nê qezayan de 2 hezar û 713 kesî merdê.
Goreyê melumatanê Serekîya Trafîkî ya Mudirîyeta Pêoyî ya Ewleyîya Tirkîya, Tirkîya û Vakurê Kurdîstanî de par 623 hezar û 148 qezayê trafîkî bîyê.
Nê qezayanê trafîkî de 2 hezar û 713 kesî canê xo vîndî kerd û 388 hezar û 644 kesî birîndar bîyî.
Qurbanîyanê nê qezayanê trafîkî reyde, zaf zererê madî zî bîyê.
Nê qezayanê trafîkî ra 105 hezar û 783 qezayî seba leza zêde bîyê.
Winî zî zafaneyê qezayan de şoferî xetakar ê.
Serra 2024î de bajaro ke tewr zaf qezayê trafîkî tede bîyê, rêza verêne de bi 97 hezar û 354 qezayan Îstanbul yeno, rêza dîyine de Enqera yena ke 86 hezar û 401 qezayî bîyê.
Winî zî rêza hîrêyine de Îzmîr yeno ke no bajar de zî 40 hezar û 549 qezayê trafîkî bîyê.
Bajarê ke tewr tay qezayê trafîkî tede bîyê zî rêza verêne de bi 367 qezayan Bayburt yeno, rêza dîyine de Dêrsim yeno ke 422 qezayî bîyê.
Dêrsimî ra dima zî bajaro hîrêyin Erdexan o ke 420 qezayê trafîkî bîyê.
