Goreyê cigêrayîşê TURK-ÎŞî Çeleyê 2025î de seba yew keyeyo ke çar kesî yo, sinorê vêşanîye resayo 22 hezar û 131 lîreyê tirkî.
Goreyê raporê TURK-ÎŞî sinorê feqîrîye zî bîyo 72 hezar û 88 lîreyî.
Konfederasyonê Sendîkayanê Karkeran a Tirkîya (TURK-ÎŞ) netîceyê "Cigêrayîşê Sinorê Vêşanîye û Feqîrîye yê Çeleyê 2025î" eşkera kerd.
TURK-ÎŞ bi armancê ke şert û mercê debara cuye ya karkeran bêro dîyarkerdene û tesîrê zêdebîyayîşê vayîya malzemeyanê serekeyan yê cuye bêro zanayene her aşme yew rapor vila kena.
Goreyê raporê TURK-ÎŞî Tirkîya û Bakurê Kurdistanî de sinorê vêşanîye resayo 22 hezar û 131 lîreyî.
TURK-ÎŞî eşkera kerd ke seba ke yew kes biciwîyo ganî 28 hezar û 756 lîreyî bibê.
Reyna cigêrayîş de ame dîyarkerdene ke sinorê feqîrîye zî 72 hezar lîreyî vîyarnayo û bîyo 72 hezar û 88 lîreyî.
Goreyê cigêrayîşî enflasyonê werdî Çele de goreyê Kanûne ya 2024î ra rojane 4.97 zêde bîyo û serrane zî resayo seyanê 47,06î.
Hetêko bîn ra Hikmatê Tirkîya meaşê tewr kêmî zî sey 22 hezar û 104 lîreyî dîyar kerd û meaşê teqawudîye yo tewr kêm zî bîyo 14 hezar û 469 lîreyê tirkî.
