Wîlayetê Erzirumî de pîsta qeşayî ser o yew kafeyêk ame akerdiş.
Mişterîyê ke şinê kafeyî verî kask û solê qeşayî xo pay kenê û şinê masayanê xo.
Xizmet zî pîsta qeşayî ser o yeno kerdene û mişterîyî şimitişê çay û qehweya xo ra dima eşkenê kayê kaşkaşî zî bikerê.
Antrenorê hokeya qeşayî Şamîl Koçî da zanayîş ke ey na proje Rûsya de dîyo û ardo bajarê xo.
Şamîl Koçî va: "Tîya de mi dî ke seba şarê ma fersendêko winasî çin o.
Hawayê Erzirumî zî seba nê çî munasib o. Rojêk wexto ke ma çay şimitêne, no ca kewt çimanê ma ver.
Ma dest pêkerd û yew hefte û nêm de ma qedêna. No berhemo weş vejîya meydan."
Şarê Erzirumî nê xizmetî ra zaf keyf gêno.
Niştoxa Erzirumî Rabia Senem Delîbaşe zî va:
Merdim eşkeno werd biwero, keyf bikero û eynî wext de keyeyê xo reyde yew wextê weşî derbaz bikero.
Wexto ke qehweya ma destê ma der a, ma eşkenê kaşkaş zî bikerî. No çîyêko zaf weş o."
