Kajav Roder
Muhammed el-Idrîsî Fas ra ameyo vakurê Afrîka û Spanya de perwerde girewto. O xortanîya xo de, Spanya, Vakûrê Afrîka, Fransa, Îngîlîstan û taye cayanê Asya de gêra yo. O serra 1145 de seba King Roger II (diyîn) yê Sîcîlyayî dest bi xebata xo kerda. El-Idrîsî aye wextan de xerîtaya xo ya Cîhanî amade kerda.
Xerîteya El-Idrîsî ya Cîhanî, Ewropa de bi nameyê Tabula Rogeriana yena zaneyene. Xerîteya xo bi Erebkî nuşta. El-Idrîsî wextê amadekerdişê xerîteya cîhanî de zanayîşanê xerîtayanê verênan ra zî îstîfade kerdo. Nê xerîteyî Erebkî û Yewnankî bîyê. O, zanayîşanê kifşkaran zî şuxulnayo. O, seba ke ca û çîyêk ke ameyî dîyîş qeyd bibîyê, merdimî şirawitî weletanê bînan. O, bi na xerîta hetkarîya merdiman kerda ke bi rehetî welat bi welat bigerê.
Xerîta; Afrîkaya Vakur, Ewropa û Başûr û Rojhilatê Asya nîşan dana. Xerîta ser o xeylê welatê Ewropayî est ê. Vakurê Norwêc, rojawanê Spanya û başûrê Îtalya zî tede ca gêno. Xerîta, Hîndîstan û Çînî zî nîşan dana.
Xerîta ser o daristanî, royî, golî, koyî, deryayî û okyanûsî zî est ê. Xerîtaya El-Idrîsî Deryayo Mîyanên (Deryayo Sipî), Okyanûsê Hîndî û Royê Nîlî zî nîşan dana.
Kajav Roder – Stenbol 05.04.2025