Roja 07.07.2024î şaristanê Almanya Berlîn de, 33 kesê ke Sêwaz de bi vêşnayîş ameybî qetilerdene serrgêra merdişê xo yê 31ine de hetê Kurdanê Elewîyan ra ameyî yadkerdiş.
Semedê protestokerdişê qetlîamî verî, 2yê temuze de bi organîzeyê Cemxaneyî belgefilmê "Çok Kötü Bir Şey Oldu" sînemaya Cineplex Neukölln Arcaden de, hetê xeyle însanan ra ame temaşe kerdene.
Roja 7ê temuze de zî hetê Înstîtutê Ziwan û Kulturê Kirmancan ra semedê serrgêra Qetlîamê Sêwazî yê 31inî rayşîyayîşêk ame kerdene.
Rayşîyayîş heta Cemxaneyê Berlînî dewam kerd. Verê Cemxaneyî de yew fek ra sloganî amayî eştene, domanî semah şî û beyîtî amayî vatene.
Rayşîyayîş de pankartanê kirmanckî- zazakî, êyê ke ser o “33 serra ke Madimak vêşeno, Bêveng mevinde hesabê Sêwazî biperse, Sêwazî xo vîr ra nêkeme, nêdana vîrkerdene” nusîyaybî, ameyî akerdene.
Rayşîyayîş, Hermannplatz de bi qisey kerdena serekê Cemxaneyî Dr. Yüksel Özdemirî saete 13:00 de dest pêkerd. Özdemîri mana û muhimîya roje ser o kilmek qisey kerd.
Fotografî; Înstîtutê Ziwan û Kulturê Kirmancan