Tirkîya de 5 hepisxaneyê neweyî yenê viraştiş.
Wezaretîya Edeletî ya Tirkiya semedê viraştişê 5 hepisxaneyan karê yasayî temam kerd û şîrketan dir peyman îmza kerd.
Hepisxaneyê neweyî do Sêrt û Dêrsimê yê Bakurê Kurdistanî û Zonguldak, Kutahya û Gîresunê yê Tirkiya de bêrê viraştiş.
Goreyo ke ame zanayîş dewlete Dêrsim de zî hepisxaneyêko newe virazena.
Zindanê neweyî do Vakurê Kurdistanî de Sêrt û Dêrsim û Tirkîya de Zonguldak, Kutahya û Gîresun de virazîyê. Pereyê ke nê zindananê neweyan rê ameyê xerckerdiş wîna yê:
Sêrt: 819 mîlyon û 571 hezar lîre (24 mîlyon û 250 hezar dolarî)
Dêrsim: 909 mîlyon lîre (Teqrîben 27 mîlyon dolarî)
Zonguldak: 837 mîlyon lîre (teqrîben 25 mîlyon dolarî)
Kutahya: 124 mîlyon û 976 hezar lîre (3 mîlyon û 700 hezar dolarî)
Gîresun: 780 mîlyon û 895 hezar lîre (23 mîlyon dolarî)
Serra 2021 de seba zindanê ke Kutahya de do virazîyayêne bi 17 mîlyon û 528 hezar lîreyan peyman amebi îmzakerdiş la nêamebi qedênayîş. Reyna serra 2021 de seba zindanê ke Gîresun de do virazîyayêne bi 72 mîlyon û 300 hezar lîreyan peyman amebi îmzakerdiş la o zî nêamebi qedênayîş.
2002 de 59 hezar û 429 hepsî estbî Tirkîya û Vakurê Kurdistanî de. Serra 2002 de 59 hezar û 429 hepsî estbî la nika hûmara hepsîyan 342 hezar û 526 a.
