Partiya DEMî ra yew parlementer Wezaretê Zereyî û Edaletî ra karkerê ke semedê goşdarîkerişê muzikê Kurdkî erzîyabî hepsxane, pers kerd.
Partîya Seypeyîye û Demokrasî ya Şaran (Partîya DEMî) ra parlementer Serhat Eren, Kanal8î rê va ke, bi wasitaya Parlementoya Tirkîya, Wezaretê Zereyî û Edaletî yê Tirkîya rê yew persname şawito û waşto ke derheqê tepişyayîşê welatîyanê kurdan yê ke bajaranê Tirkîya de seba goşdarîkerdişê muzîkê kurdî û govende erzîyabî hepsxane, zelal bikerê.
Erenî bale ant ser mesele ke herçiqas wezaret tenya 10%ê persan cewab dano zî, ê do paweyê cewabê her di wezaretan bimanê, bitaybetî derheqê tepişyayîşê ê 3 karkeranê ke hefteyo vîyartî seba goşdarîkerdişê deyîranê kurdan û tuhmeta "propagandaya terorî" ameybî tepişyayîş.
Serhat Eren bêvengîya partîyanê bînan yê kurdan yê Vakurê Kurdistanî rexne kerd û va, "Na rewşe de dijminatîya kurdan bena, ê partîyê kurdan hona partîyanê vera kurdan nêzdîyî kenê (Hüda-par)."
Parlementerê DEMî bêvengîya CHPî rexne kerd û va, "CHP ke wazenê hukmatî bigîro û her çî ser qisey kenê, labelê na mesele de bêveng mendê."
