Seba gedeya 8 serrî Narîn Guran ke badê 19 rojan cenazeyê aye amebi dîyayîş, hetê rêxistinanê cinîyan û rêxistinanê komelayanê sîvîlan yê Dîyarbekirî ra, bi waştişê "Seba Narîne edalet" çadira tazîye ameye ronayîş.
Gedeya 8 serrî Narîn Guran, 21ê menge de taxeya Çulî ya qezaya Rezanî ya Dîyarbekirî de vînî bîbî. Cenazeyê Gurane 19 rojan ra dima, yew telîs mîyan de çemê dewe de amebi dîyayîş.
Rêxistinanê cinîyan û yê komelaya sîvîlî seba Gurane, Parka Koşuyoluyî ya Rezanî de bi waştişê "Seba Narîne edalet" tazîye rona.
Kesê ke parke de kom bîbî dest bi çalakîya roniştişî kerd. Çalakî de zaf rey sloganê "Cinî, cuye, azadî", "Seba Narîne edalet" û "Wa destê ke seba Narînî wedarîyayê bişikîyê" berz kerdî.
Şîn hetanî saete 18.00î do dewam bikero û beşdarî do waştişê "Seba Narîne edalet" biwazê.
