Maya Narîne Yuksel, birayê aye Enes, datê aye Fuat, 2 lajê datê aye û cinîya datê aye zî tede 8 kesî tepişîyay û 4 kesî zî bi şertê kontrolê edlî veradîyay.
Bi no qayde hûmara tepişteyan bî 10.
Narîn Guran 21ê Tebaxe de dewa Çûliye ya Amedî de "vîndî" bibî û 8ê Elûle de cesedê aye çemê dewe ra vejiyabi.
Dima vejîya meydan ke Narin ameya kiştene û awa çemî de ameya nimitene. Serdozgerîya Komare ya Amedî derheqê na dewa de cigêyrayişê xo ramnena.
Maya aye Yuksel û birayê aye Enes seba "şirikatîya kiştişê biqestî", datê aye Fuat seba "vînkerdişê delîlanˮ û her 5 kesê bînî zî seba "pawitişê suckerdoxan û vînkerdişê delîlanˮ tepişîyay û serşawîyay hepisxane.
Dadîya Narîne Yuksel Guran (44), kekê aye Enes (18) apê aye Fuat Guran (41), datzayê aye Muhammet Kaya (23) datkênaya aye Bîrsen Guran (19), naca aye Maşallah Guran (46), mêrdeyê ema aye Mehmet Şevket Kaya û Mehmet Selîm Atasoy (40) ke karkerê apê aye Salîm Guran o ameyî tewqîfkerdiş.
Şikdaran ra bi nameyanê Kurtuluş, Omer Faruk Guran, Melike Guran û R.A. (15 serre yo, karkerê Salim Gurani yo) zî bi şertê kontrolê edli veradiyay. Apê Narine Salim Guran 2yê êlule de amebi tepiştiş o eynî wext de muxtarê dewe zî bi. Nevzat Bahtiyar (48) zî qebul kerdbi ke Salim Guranî cesedê Narine daybi ci ke binimno û 10ê êlule de amebi tepıştiş. Bi no qayde pîya Salim Guran û Nevzat Bahtiyarî ra hûmara tepışteyan bi 10.
Çi bibi?
Narîn Gurana 8 serriye 21ê Tebaxe de Diyarbekır de vîdî bîbî.
Wezîrê Karê Zereyî yê Tirkiya Alî Yerlîkaya roja yewşeme (8ê Êlule) îlan kerd ke cesedê Narîn Gurane ameyo vînayîş.
Waliyê Diyarbekırı Murat Zorluoglu zî eşkera kerd ke cesedê Narîne yew çuwale de û binê kerrayan ra vejiya.
Cesedê Narîn Gurane yew çuwale de nêzdiyê yew çemî de, hetê yew dewe ra vejiya.
Goreyê raporê verênî, cesedê Narîne 15 rojî awe de mendo û çokê aye şikîyayo.
Badê ke cesedê Narîne vejiya, 3 savciyê cumhuriyetî ameyî wezifedar kerdiş û 25 kesî, tede may, pî, dat û birayê Narîne zî, ameyî tepiştiş.
