Beledîyeya Dîyarbekirî bi "çeşmeyê îkramî" ke çar cayanê cîyayan de nar o, mîyanê roje de her roje 2 hezar kesan rê şerbetê lîmone vila kena. xizmetê ke di aşman ra zêdêr o yeno dayene, çarçewa nê xizmetî de 60 hezar kesan rê lîmonata ameye vilakerdene.Beledîye do ê cayan de zimistan zî şorba vila biko.
Hetê serekîya daîreya xizmetanê sosyalan ra, çar cayanê cîyayanê bajarî de seba wendekar, nêweş û merdimanê înan û şarî rê şorba bêheq ameyêne vilakerdiş û seba naye "çeşmeyê îkramîî" ameybî ronayene la seba hewayê germî nika lîmonata yena dayene.
Na çarçewa de verê polîklînîkanê unîversîteya dîcle, nexweşxaneyê perwerde û cigêrayîşî yê gazi yaşargil yê amedî, nexweşxaneyê dewlete yê selahattin eyyubi û polîklînîkanê nexweşxaneyê cinî û nêweşîyanê domanan de "çeşmeyê pêşkêşî" ameyo ronayene û roja mîyan de her roje 2 hezar şarî rê şerbeta lîmonî yena vilakerdene. Çeşmeyanê îkramî ra, mîyanê rojî mabênê saetanê 15.00-17.00 de şerbeta lîmonî yena vilakerdene.
'Zimistanî zî do şorba bêro vilakerdene'
Serekê daîreya xizmetanê sosyalan serkan demirkıranî derheqê babete de melumat da û va ke di aşmî yo şerbeta lîmonî ke îkram kenê, heta nika 60 hezar kesan tira îstîfade kerdo û xizmetê înan do dewam bikero. Demirkıranî wina qisey kerd: "Aşma teşrîna verêne de wexto ke hewa bibo serd, ma do cayê lîmonata de na rey şorba bidê şarê xo. aşmanê zimistanî de îkramê şorba do dewam bikero. goreyê felsefeyê şarşaredarîye ma do îkramê xo şarê xo rê dewam bikerê."
