Qezaya Pasûrî ya Amedî de kesêkî maye û pîyê xo bi çek kiştî.
Goreyê zanayîşan, taxa Turgut Ozalî ya qezaya Pasûrî ya Amedî de mabênê M.A. yo 25 serrî û pîyê ey Necatî A. û maya ey Fener A. de seba sebebeko ke nêzanîyeno munaqeşe vecîya.
Munaqeşe ra demek badê M.A. bi çeke guleyî maya û pîyê xo ser rişnayî.
Agahdarîkerdişî ser polîsî û tîmê weşîye şîyî cayê bîyayîşî.
Kontrolê tîmanê weşîye de vejîya meydan ke maye Fener A. cayê bîyayîşî de merda û pî Necatî A. zî bi giranî birîndar bîyo.
Tîmanê weşîye Necatî A. berd Nexweşxaneya Dewlete ya Pasûrî û la Necatî nêqilîya û merd.
Ame îfadekerdiş ke M.A. bîyayîşî ra dima xo teslîmê polîsan kerdo.
