Temsîlkarê Rûdaw TV yê Dîyarbekirî Maşallah Dekak ewro raştê hêrişêk ame.
Maşallah Dekak wexto ke Mîyanê Sûrî de roportaj kerdêne kesêk xar ber ey ser û ci rê nengî çînayî. Hêrişar demêk badê cû ame tepiştiş.
Hedîse Verê Camîya Pîle de qewimîya. Temsîlkarê Rûdaw TV yê Dîyarbekirî Maşallah Dekak wexto ke roportaj kerdêne yewêk xar berd ci û va "Tîya Tirkîya yo. Şima nêeşkenê Kurdkî qisê bikerê."
Şaro ke derûdor de bi kewtê mîyan û hêrişkar fetelna. Keso hêrişkar o ke rojnamegerî û Kurdî rê heqeretî kerdî demêk badê cû ame tepiştiş.
Serekê Cemîteytê Rojnamegeran (GGC) Felat Bozarslan wexto ke hedîse pêhesîya şi cayê hedîse, hêriş şermezar kerd û hetkarî da Maiallah Dekakî.
Heto bîn ra Temsîlkarîya Sendîqaya Rojamegeran a Tirkîya (TGS) zî beyanatêk da û hêrişî şermezar kerd.