ZAZAKÎ NEWS - Şaredarîya Amedî ya Şaristanê Girdî, merkezê şaristanî û dewanê dûrîyan de 7 aşmanê peyênan de 5 hezar û 100 kesan rê testê weşîye kerd.
Serekîya Daîreya Xebatanê Weşîye seba ke weşîya şarî bipawo xizmetê testê weşîye dewam kena. Na çarçewa de personelê weşîye yê Serekîya Daîreya Xebatanê Weşîye, vernîya yew merkezê ticarî de qezaya Baxlarî de xizmetê weşîye yo bêpere da şarî.
Personelê Daîreya Xebatanê Weşîye stando ke ame ronayene, ci ser o tansiyonê şarî kontrol kerd, şekerê gonî pêmawit û testê grûba gonî kerd.
5 hezar û 100 kesan rê testê weşîye ame kerdene
Bi na xebate ekîban merkezê şaristanî û dewanê dûrîyan de 7 aşmanê peyênan de 5 hezar û 100 kesan rê testê weşîye kerd.
Bitaybetî seba ke şarê ke dewanê dûrîyan de ciwîyenê, rehet biresê xizmetê weşîye, ekîbî tena merkezê şaristanî de nê, pêmawitişê endeksê kitleya gan, testê hamiletîye, û seba gedeyan pêmawitişê dergî û giranî û kontrolê weşîya fekî û didanan kenê û programê perwerdeyê weşîye virazenê.
Şaredarîya Şaristanê Girdî, merkezê şaristanî û dewanê dûrîyan de testê weşîye û perwerdeyî dewam kena.
