Bajarê Çewlîgî de, yew gayî rayîr de otobusê rayîran vindarna û êrişê şofêrî kerd. Şofêrî bi zehmet xo êrişê gayî ra xelesna.

Rayîrê Çewlîg û qezaya Darê Hênî de otobusê raywanan o ke Mahmut Burkukî ramitêne, mecbûr rayîr de vindert çimkî yew ga rayîr de vindertbî.

Şofêr Mahmut Burkuk yew dare girewte û otobusî ra peya bî ke gayî rayîr ra bido hetêk la ga peyser nêşi û êrişê şofêrî kerd.

Mahmut Burkuk peyser rema û bi zehmetî xo êrişê gayî ra xelesna û xo eşt zereyê otobusî û  ber qefelna.

Badê hedîseyî şofêrê otobusî rayîrê xo ra dewam kerd.

Vîdyoyanê wextê hedîseyî hetê kameraya otobusî ra ame qeydkerdiş û medya de amey vilakerdiş.