Şaredarîya Amedî kampanyaya "Vatişê ma nêqedîya, ma do pîya vera şîdetî vinderê" de Merkezê Cuya Cinîyan ê Ben û Sen de atolyeya seypêyîya cinsîyetê komelkî organîze kerd.
Serekîya Daîreya Xizmetê Cinî û Keyeyî kampanya de Merkezê Cuya Cinîyan ê Ben û Senî de "Seypêyîya/neseypêyîya cinsîyetê komelkî" û "Şîdeto ke cinîyan ser o yeno" ser o atolye viraşt.
Atolye de ame vatene ke cinsîyeto bîyolojîk xususîyetanê fîzîkî ser o, la cinsîyeto komelkî eşkeno demî reyde bêro vurîyayene. Neseypêyîya cinsîyetê komelkî seba cinîyan zaf probleman vejeno meydan.
Cinîya ke beşdarê atolye bîye, va ke êdî keyeyê xo de zî behsê neseypêyîye kenê û dest pêkerdo ke heme kesê keyeyî karanê keyeyî de bikerê şirîk.
