Antrenorê Amadsporî Servet Çetînî dîyar kerd ke înan gamêka başe eşta û do vera Adanasporî serbikewê.
Tîma Keske-Sure Amedspor, siba Adanasporî dir maç kay kena.
Çimê mîlyonan taraftaranê Amadsporî nê kayî ser o yo. Eke Amedspor vera Adanasporî bibo serkewte, do puanê xo biko 28 û lîg de cayê pancine de ca bigîro.
Eke Amedspor nê her di tîman vera qezenc biko şansê ey yê playofî do zede bibo.
Tîma keske-sure Amedspor ke 6 hefteyî yo ke hem keyeyê xo de hem zî teberî de serkewtiş ser serkewtiş ano, na rey amadekarîyanê xo seba kayê teberî yê Adanasporî keno.
Amedspor o ke bi 25 puanan Lîga 1. ya Tirkîya de cayê hewtinî de yo, eke roja yewşeme vera Adanasporî 3 puanan bigîro, do cayê pancinî de ca bigîro.
"Amedspor Seba Serkewtişî Amade yo"
Mudirê Amadsporî Faruk Korkmazi zî amadekarîyanê Amadsporî ser va: "Seba ke îdîaya ma dewam biko, ganî ma her di kayan zî bigîrî. Amadekarîyê ma bêvindertiş dewam kenê. Ez bawer kena ma do serkewte bê."
Amadsporî heta nika 17 kayî kerdê. Nê kayan ra 6 rey serkewto, 7 rey pîya mendo û 4 rey zî vîndî kerdo.
Ameyîşê antrenor Servet Çetînî reyde Amadsporî heta nika çi kayî de vîndî nêkerdo.
