Dîyarbekir nê serranê peyênan de bîyo cayê turîzmî û hezaran kesî bi rojane yenê benê mêmanê Dîyarbekirî.
Nê Roşanê Remezanî de zî hem Rojawanê Tirkîya ra hem zî teberê Tirkîya ra hezaran kesî semedê gêrayîşî verê xo dayê herêma Dîyarbekirî.
Gêrayoxî en zaf yenê Sûranê Dîyarbekirî êyê ke mîyanê lîsteya mîrasê dinya yê UNESCOyî de ca gêne.
Gêrayoxî en zêde Kaleya Zerrî, Camîya Hz. Silêmanî, Camîya Pîle, Minareya Çarlinge û Baxçeyanê Hewselî zîyaret kenê.
Di rojan de 4 hezar û 500 kaleya zerrî zîyaret kerd
Tena mîyanê di rojanê Roşanî de 4 hezar û 500 kesan Kompleksê Mûze yê Kaleya Zerrî zîyaret kerdî.
Mêmanan mirdîya xo gêray, kebab, cîxer, arayî û qedeyîfa Dîyarbekirî werdî.
Heto bîn ra ame aşkerekerdiş ke, mîyanê hîrê rojanê Roşanî de new ton cîxer ame rotiş û verê zaf cixerotoşan de mêmanî semedê werdişê cixere kewtî dore.
Goreyo ke vajîyeno mîyanê hîrê rojanê Roşanî de 500 hezar kesan Dîyarbekir zîyaret kerd û 7 hezar û 500 odeyanê otêlan de ca nêmendo.
Feydeyê nê turîzmî, ameyîşê hendê merdiman do ekonomîya Dîyarbekirî rê bibo. Kesê ke Dîyarbekir zîyaret kerdê zî pê zaf qayîl bîyê bi keyfweşî ageyrayê bajranê xo.
Zazakî News /Fatma Yılmaz