Zaf kesî, her hefte sporê ke yeno tavsîyekerdene kerdişî de zehmetî ancenê. Ancî cigêrayîşî nîşan danê ke sporo tay zî eşkeno tesîranê zaf başan bikero.
Sporkerdiş zerrî rê baş yeno. Sporê muntezem, tansîyon û kolesterolî û wina zî rîskê qrîzê zerrî û felcî kêm keno.
Ancî rey-rey wextê sporkerdişî de motîvasyon vînayîş zehmet beno. Eke wina yo, seba ke ma nê faydeyî bigîrê ma ganî tewr tay çiqas spor bikê?
Cewabê naye girêdayeyê ci yo ke şima dest pêkerdişê sporî de çiqas formî de yê.
Yanî, eke şima yew ferdê ke qet nêlewiyo yê, seba kêmkerdişê rîskê nêweşîya zerrî teyna tayê spor lazim o. Sifir sporî ra vurîyayîş, hefte de çend saetî rayîrşîyayîşo peyayen yan zî bisîkletşîyayîş, rîskê mergî yê nêweşîyanê zerrî eşkeno hetanî % 20 (se ra vîstî) kêm bikero.
Ancî seba ke şima form de bibê û mîqdarê sporî zêde beno, faydeyê weşîya zerrî kêm beno û peynî de yeno yew nuqta û vindeno.
