Keyeyê Rojî ke yê Şaredarîya Amedî ya Şaristanê Girdî yo, bi munasebetê Hewteyê Randê Enerjî, wendekarî kerdî mêman.
Mudirîya Şefîya Enerjîyê Newekerdene û Îdareyê Enerjî ya ke girêdayeyê Serekîya Daîreya Pawitişê Derûdorî û Kontrolî ya, seba ke neslê ameyoxî yê ke tede hîsgêrîya derûdorî bêro awankerdene, gede û ciwanan rê bandê enerjî, enerjîyê newekerdene û tesîrê vurîyayîşê îklîmî ser o xebatanê xo zanayîşdayîşî dewam kena.
Çarçewaya Hewteyê Randê Enerjî de seba wendekaran ke wendegehan de wanenê, Warê Ciwîyayîşê Hemparî yê Sumerparkî de Keyeyê Rojî de çalakîyêk ame organîzekerdene.
Rayîrşîyayîşê Zanayîşî
Wendekaran Wendageho Verên yê Gazî ke pankartê ke bale ancenê randê enerjî ser o, tepişt û bi dirûşmeyanê "Enerjîyo Kesk, Dinyaya Kewe" û "Enerjîyo Bibereket, Ameyoxo biemnîyet" reyde wendagehê xo ra heta Keyeyê Rojî rayîrşîyayîş kerd.
Dima perwerdekarê wezîfedarî yê Mudirîya Şefîya Enerjîyê Newekerdene û Îdareyê Enerjî, wendekaran rê "şuxulnayîşê enerjî yo bitesîr, tesîrê enerjîyê newekerdene û sotemenîyê fosilî ser o vurîyayîşê îklîmî" ser o pêşkêşî kerd.
Badê ke persê wendekaran ê derheqê enerjîyê rojî û sotemenîyê fosilî, tesîrê vurîyayîşê îklîmî de ameyî cewabdayene, gêrayîşê Keyeyê Rojî de xususîyetê keyeyî, ocaxê rojî û makînaya zuwakerdişî ya bi enerjîyê rojî sey tetbîqan ameyî daşinasnayene.
