Amedsporî, kaykerê hetê rastî yê 25 serreyî Bobby Adekanye ke forma Go Ahead Eaglesî ya Lîga Eredîvîsîye ya Hollanda de kay keno, transfer kerd.
Klubê Amedsporî, hesabanê medya sosyalî ra beyanatê da û va "Ti xeyr ameyî Bobby Adekanye! Ma seba Bobby ke do seba serkewtişê klubê ma do areq bido, serkewtiş wazenê. Wa camîya ma rê xeyr bo!"
Karîyerê kaykerê ciwanî
Adekanye ke klubanê muhîman ê sey Ajax, FC Barcelona, PSV, Liverpool û Lazîo de kay kerdo, karîyerê xo yê profesyonelî de tîmanê sey Cádiz, Crotone û Go Ahead Eagles de kay kerd. Transferê kaykerî ke bi tecrubeya xo ya futbolî bala merdimanî anceno, cemaatê sporî de heyecan ard meydan.
Temaşekarê Amedsporî bawerîya xo anê ke Adekanye bi tecrubeya xo do ardimêko muhîm bido tîmî.
