ZAZAKÎ NEWS - Maçanê rovanşî yê çareka fînalî ya Lîga Şampîyonan a UEFAyî de Arsenal û Inter vîyartî nêm-fînalî.
Kayê tewr biprestîj yê futbola Ewropa de çareka fînalî bi di maçanê bînan qedîya.
Tîma Îtalya Inter ke maça yewine de 2-1 bi ser kewtibi, Stadyumê Guiseppe Meazzayî de bi mêmanê Bayern Municha Almanya.
Na maçî de nêmeyo yewin bêgol bi peynî bi.
Bayern Munichî nêmeyo diyin de deqîqeya 52. de bi gola Harry Kane 1-0 kewt vernî.
Interî deqîqeya 58. de bi gola Lautaro Martinezû deqîqeya 62. be bi gola Benjamin Pavardî skor kerd 2-1.
Bayern Munichî deqîqeya 76. de bi gola Eric Dier skor kerd: 2-2.
Qismanê mendeyan yê maçî de zî skor nêvurîya û tîma Îtalya biletê tura nêm-fînalî girewt.
Inter do nêm-fînalî de Barcelonayî reyde kay bikero.
Real Madrîdî na rey rew xatir waşt
Maça rovanşî ya bîne ya şewe de Arsenala Îngîlistanî bi mêmanê Real Madrida Îspanya.
Maç Santiago Bernabeuyî de ame kaykerdiş û Bukayo Saka deqîqeya 13. de seba penaltîya Arsenalî şi peyê tope la qelecîyê Real Madrîdî Thibaut Courtois rayîr nêda gol bibo.
Saka deqîqeya 65. de tîma Londonî eşte vernî la cewabê Real Madrîdî lez ame û deqîqeya 67. de Vinicius Junior gola pîya-pîyayî eşte.
Arsenalî deqîqeya 90+3. de bi gola Gabriel Martinelli reyna kewt vernî û maç 2-1 bi netîceya serkewteya tîma mêmanî bi peynî.
Qismanê mendeyan yê maçî de zî golî nêvejîyayî.
Arsenala ke maça yewine zî 3-0 bi qezenc kerdbî vejîya neme-fînal.
Arsenal do Paris Saint-Germainî reyde kaykero.
Maçê yewinî yê nêm-fînalî do 29/30ê Nîsane, maçê diyinî zî do 6/7ê Gulane bêrê kaykerdiş.
Maça fînalê zî do 31ê Gulane Allianz Arenayî de bêro kaykerdiş.