ZAZAKÎ NEWS - "Lepate" ke cinîka Serekkomarê Fransa Emmanuel Macronî da ey ro, heme dinya de veng da.
Emmanuel Macron û cinîka ey Brigitte Macron pîya şîyî Vîetnam.
Verê ke ê Firrgehê Hanoî ra teyareyî ra bêrê war, Brigitteyî şeqamêk (lepatêk) da mêrdeyê xo ro.
Macron zî lepate ra dima, ewnîya kamerayan seke çîke çin bo vejîya teber.
Koşka Élyséeyî vere cû qebul nêkerd ke na vîdeo raşt a, labelê badê cû mecbur mend ke raştîya vîdeoyî qebûl biko.
Yew çimeyo ke nêzdîyê Macronî yo, va ke, mesela gird nîya, tena "Minaqeşeyêko qijkek" bi.
Yew çimeyo ke nêwaşto nameyê ey bêro eşkerakerdiş zî, BFMTVyî ra va ke "înan yarîya yewbînan kerdê".
Yew çimeyo bîn yo ke nêzdîyê Macronî yo zî va, no bîyayîş bi "yarenîya mîyanê keyeyî".
