Ekîbê Şaredarîya Amedî ya Şaristanê Girdî, Aşxane yo ke werdê Aşxaneyanê Şarî tede yeno amadekerdene, hetê standardanê pakîye û kalîteyî ra kontrol kerd.
Ekîbê Kontrolê Xidayan ê ke girêdayeyê Serekîya Daîreya Karê Weşîye yê, Cayê Ciwîyayîşê Muşterekî yê Sumerparkî de Aşxane yo ke Aşxaneyanê Şarî rê werd virazeno, dest bi kontrolanê muntezeman kerd.
Aşxane de verê cû ame kontrolkerdene ke gelo nimûneyê werdan gêrîyenê yan ney, hacetê ke viraştişê werdan de yenê xebitnayene û pakîya cayî û cayanê depokerdiş, karkerî ke uca xebitîyenê gelo bone, maske û galoşî sey hewcedarîyanê pakîye xebitnenê yan ney, dereceya germîya depoyan û heme malzemeyê ke werdan de yenê xebitnayene hetê kalîte û pakîye ra ameyî kontrolkerdene.
Ekîban dima qezaya Yenîşehîrî de Kuçeyê Hunerî de Aşxaneyê Şarî de kontrol kerd.
'Wa şar rehet bo’
Serekê Daîreya Karê Weşîye Vahap Saçaklî derheqê kontrolî de îzehat da û va ke wa şaro ke yeno Aşxaneyanê Şarî û xizmetî ra îstîfade keno, rehet bo. Saçaklî va ke seba ke werdê ke Aşxaneyanê Şarî de yenê viraştene weş bê, ê goreyê standardanê pakîye û kalîteyî hereket kenê û malumat da ke heme xidayê ke yenê temînkerdene, heta qebulkerdişê malan ra hetê muhendîsanê xidayan û dîyetîsyenan ra ke warê xo de pispor ê, yenê kontrolkerdene.
