Cuyayîşê nuştox, cigêroyox û ziwanzan M. Malmîsanijî ser o bi nameyê "Mamostayo Bêmamosta (Malmîsanij)" belgefîlmêk hetê Derhêner Kerem Tekogluyî ra ameyo natiş.
Galayê belgefîlmî 9ê Hezîrane de Îstanbul de amebi viraştiş.
Nika zî Dîyarbekir de belgefîlm do bêro ramojnayîş.
Kerem Tekogluyî derheqê programê Dîyarbekirî de Zazakî Newsî rê qisey kerd û va ke, "Bi belgefilmê xo yê MAMOSTAYO BÊMAMOSTA o ke behsê cuyayîşê ziwanzan MALMÎSANIJî keno, ma do Baroyê Amedî de bê. Ma pêrûna heskerdoxanê Zazakî pawenê."
Belgefîlm do 19ê Teşrîna Verêne roja Yewşemeyî saete 17:00 de cayê Salona Konferansî ya Tahir Elçî de bêro nîşandayîş.
Belgefîlm hetê derhêner Kerem Tekoğluyî ra ameyo antiş û wexetêkê serre û nême de ameyo temamkerdiş. Belgefîlm de behsê cuyayîşê Malmîsanijî beno.
Seba fragmanê belgefîlmî bitikne