Rojê Tîyatroyê Cinîyan yê Amedî yo 1. ke hetê Tîyatroyê Şaristanî yê Şaredarîya Amedî ya Şaristanê Girdî ra ameybî organîzekerdene, bi kayê Mêdêa qedîyayî.
Rojê Tîyatroyê Cinîyan yê Amedî ke tede kayî bajaranê Îzmîr, Anqara, Îstanbul, Sîne û Saqizî ra ameyî kaykerdene û bi atolye û sohbetan pirr vîyartî, bi adaptasyonê kurdkî yê trajedîya Yewnanê verênî Mêdêa qedîya.
Merkezê Kultur û Kongre yê ÇandAmedî de kayê ke Zelal Anga rejisoriye kerde, Shabnam Yousefî rolê Mêdêa kay kerd. Kayê ke Eurîpîdesî nuşto û seba ke cayê cinî yê mîyanê komelî bi hawayêko detayin gêno xo dest, xususîyetê noqtaya pêgirêdayîşî, tede behsê rewşa cinîya ke xoza ra ameya cîyakerdene bena, bî. Zelal ke kayî rê rejîsorîye kerde, va ke heme karakterî bi wasitaya Mêdêa ameyî qalkerdene û înan karakterê dadî sey halê Mêdêa yo aqilgirewte mojnayo. Anga wina va: "Zafêr qalê rêzkerdişê bîyayîşan nîya, qehrê terzê perwerdekerdişê keyeyî û terzê ferzkerdişê rolanê cinsîyetê komelkî û hêrsê Mêdêa yo ke resaya na noqta. Hêrsê aye vera sistemê serdestîya camêrdan û hukmatî est o. Hêrsê aye vera kesanê ke pay tede est o ke a resaya na noqta, est o."
Perînaz Delazi ke kaykera DBŞT’yî ya, badê kayî plakete daye kaykeran û sipasê yew bi yew kesanê ke festîval de keda înan est a, kerd û sipasê temaşekeranê ke înan 6 rojî ra teyna nêverdayî zî kerd."
