Kitabê Nurettin Beltekînî yo bi nameyê Said Elçi -Bir misyon Bir Lider (Seîd Elçî-Yew misyon yew serek) weşanxaneyê Nûbiharî ra çap bîyo.
Seîd Elçî yo ke Çewlîg ra yo, Bakurê Kurdistanî de verên serekîya Partiya Demokrat a Kurdistanê Tirkiya kerdo.
Nuştox û cigêrayox Nurettin Beltekînî derheqê cuyayîşê ey de yew kitab hadre kerdo.
Kitab sey bîyografî ameyo hazirkerdiş û 256 rîpel o. No kitab hetê weşanxaneyê Nûbiharî ra meyo çapkerdiş.
Seîd Elçî kam o?
Seîd Elçî (1925-1971) sekreterê umûmî yê T-KDPî bi. Serra 1971 de ame kiştiş.
Seîd Elçî serra 1925 de dewa Çewlîgî Zeyneb de ame dinya. Seîd zaf rew kewt mîyanê xebata sîyasî û kurdayetîye rê serekîye kerdêne.
Serra 1959 de, Seîd zî pa çend welatperweranê kurdan ame tepiştiş û 149 rojî şertonê xiraban de mend, îşkence dî.
Seîd pa embazanê xo karêko muhîm seba ronayîşê yew partîya kurdî kerdêne.
Temmuza 1965 de bajarê Dîyarbekirî de, Elçî pa tay welatperwerûnê kurdan sey Emer Turhan û tay kesanê bînan Partîya Demokrat a Kurdistanî ya Tirkîya (PDK-T) rona û Seîd bi serekê veren ê partî.
Serra 1968 de, Seîd pa 16 embazûnê xo yê partî ame tepiştiş. Nê 16 kesî seba ronayîşê PDK-T amey mehkemekerdiş.
Serra 1971 rejîmê eskerî ame Tirkîya.
Elçî seba çareserkerdişê tay problamanê zereyê partî şi Başûrê Kurdistanî û uca de ame kiştiş.
